November 16, 2010

  • 幻彩詠香江

    上星期日, 下午無所事事, 過海去行鴨寮街, 約了朋友 b 8:30 在尖沙咀晚飯.

    身為一個香港人, 我1次都未睇過呢個香港旅發局造俾遊客睇的幻彩詠香江.

    當日我7:xx 在中間道落巴士, 經隧道行過去海旁, 突然見到身旁一班人, 扶老攜幼, 向海旁跑去..... 做乜呢??

    離遠望向港島, 好彩匯豐總行外牆新加了個發光大鐘, 原來 8:00. 幻彩詠香江表演時間. 佢先逐間介紹參與的大廈, 加上背景音樂, 好似東華籌款咁............

    然後就開始播音樂, 開始有鐳射光由不同大廈射出.......

    就好似星戰打到落香港咁............


    中環方面.....

    金鐘....

    同時, 尖沙咀這邊也有回應. 鐳射光不好拍, 不過照在香港美術館牆上的燈光效果幾靚~

    鐳射光~射呀~~~射呀~~~~~~

    大約 15分鐘吧. 雖然說是給遊客觀賞的表演, 但其實都幾好睇. 真係好似睇星戰咁, 幾刺激.

    睇完表演, 就散喇. 你睇幾多人~

    然後我就去太空館找朋友 b.

    突然想: 太空館這個半球型物, 會唔會係為方便同外太空物, UFO 或者Alian 連絡, 而做成呢個形狀呢? 如果好似大廈咁一幢幢, 香港咁多, 點知邊間係? 海邊, 半球形那個就容易喇. 或者佢本身就係 UFO 個頂.... 有一日, 突然成個飛起............................................

    ok~ok~~~ 後來去海港城晚餐囉..... 吃到10:xx 呀...... 好耐無試過 10:xx 仲切緊牛扒...........

    話時話, 海港城靚左~ 咁色彩繽紛~~ 仲已經擺出聖誕佈置..... 10:xx 都仲好多人在拍照呀~

    最後就坐船去香港島回家喏~

    ps: 好累...... 鴨記行左幾個鐘, 大包細包, 仲有背囊, 腳架, 相機...... 朋友b 話我成個遊客咁............