January 22, 2011

  • 1st day SB at zao

    7:xx 一早起身.... 早過番工. 梳洗完, 8:00 早餐. 唔係 buffet. 不過我已經慣左日式早餐.

    係唔慣冇魚...............

    吃完, 變身就趕出去. 本來行都到, 我們懶, 留力滑雪, d板又有d重量, 所以決定下行去左車, 唔直接上行去雪場.

    呢日係日本成人日, 係假期所以多人.

    急不及待上左山, 急不及待去玩, 同埋欣賞美麗既風景. 幾好天. 34 號 lift. 在山的上半部.

    山中間一段又大雪, 又大霧............... 朋友b 仲好有心機拍照.

    返旅館必經之路...... 去接爸媽去 lunch... 已經 12:xx. 有神社都上唔到.... 本來有 97級樓梯的.

    去乾燥房除 boots, 竟然俾我見到真係有人用 paul frank 塊板..... 我好想要呀......... 可惜長度唔適合我.

    同爸媽回去 ski slope 處午餐. 朋友b和我都吃咖哩, 她是咖哩豬扒, 我的是咖哩漢堡扒. 好味~~~~

    食完, 爸也和我們一起滑了一下.... 不過他膝蓋傷了, 玩了兩轉就冇再玩. 我乘機拍下 video~

    4:xx, 我們今天收早, 因為要去睇夜間樹冰. 還是去 bus terminal 左巴士去藏王ropeway 站. 入場費 2500yen, 包2程 gondola來回. 平時一程都 2500yen 喇.

    夜晚打晒燈好靚. 本來我打算之後住呢邊先上去睇, 不過可惜1月唔係日日開. 唯有呢日去左先.

    1號 gondola 去 2 號 gondola 途中.....

    坐 2 號 gondola 上到頂...... 不過唔敢出去....... 因為.........

    大風到我都差d吹走. 係.... 朋友 b 同我出左去. 不過只係在 gondola lift 門外. 跟住有條紅繩欄住, 唔可以行過去同樹冰近距離接觸. 因為好容易吹走......... 好危險..........

    不過d樹冰真係幾靚幾特別.

    呢度冇咁大風. 又係轉車中轉站. 打燈靚d.
    所以1月唔係日日開. 2, 3 月就會, 冇咁大雪, 又會多d人睇.

    落山之後, 因為已經冇 bus, 所以要行返旅館..... 在雪中行20分鐘, 一d 都唔容易.....

    晚餐本來都係 sukiyaki 放題, 仲諗住又餓又凍可以狂食. 點知佢搞錯左, 所以今晚冇 sukiyaki. 朋友 b 見到d鍋物直情發嬲罷吃, 話要出去吃麵. 還好日本食物衰極有限, 朋友b終於還是把豚肉豆腐鍋吃完了.

    飯後還是出去行了一會, 終於買左我好想買既牛舌味百力茲. 一條就有尾指咁粗. 因為雪櫃根本唔凍, 爸還是直接把雪條放窗外. 雪不是我們堆的, 放了一天就自然被雪埋住了.......

    朋友 b 還未回復狀態. 明天要玩得更努力!