January 25, 2011
-
藏王之後在東京的三天
14/1/2011, 要離開藏王東京.
做乜影個窿? 話說前一晚我有支飲左一半的爽健美茶. 因為生雪比雪櫃凍, 所以我將佢放在窗邊. 早上起來爸說晚上因為熱, 把窗開大了...... 我立即走到窗前......爽健美茶沒有了, 下面平台的積雪上多了這樣一個洞.
早餐係普通 buffet, 之後 pack, 10:00 check-out, 就去車站, 坐巴士去山形, 轉 jr 去大宮, 轉地鐵去新宿. 今日超好天.... 可惜唔可以上去睇多次樹冰. 呢個會係我下次去藏王既 mission.
藏王溫泉...... 好平靜........ 日光日白都 -8 度呀.
原來山形既月山有夏滑, 我要去呀~~~!!!!!
坐巴士去山形. 980yen.
即刻接 jr 去大宮.
新車, tsubasa, 即係翼. 型呀~~!!
有專用位放大行李. bye bye 喇..... 雪............
到左大宮, 直接轉地鐵去新宿. 3:15pm 到達. check-in 完,先來個 late lunch, 爸好恨吃牛丼. 所以去左松屋. 240yen 一個牛丼呀. 不過 ends up 我地4個都冇食呢個特平牛丼.
然後把握時間, 朋友 b 同我去左原宿 oakley 同 volcom. 爸媽就去新宿買衫. 7pm 就 dinner 啦. 爸想吃拉麵, 我只肯吃博多拉麵. 所以我們就去了天神拉麵. 加生蒜蓉, 連朋友 b 都愛上. 爸說1碗唔夠, 所以加多個 crape.
然後 shopping 已經開始...... 第 2 天繼續. 我同朋友 b 冇包早餐, 習慣落 cafe 食兼上網. yeah~~ archos + googlemap + wifi 就可以找到我在那裡.
lunch, 誓要吃 tempura. 又去天一..... 連中師傅都認得我地啦. 海鰻, 蟹, 魚, 特別在今日有蠔!! 好鮮味呀~~!!
食飽飽又去 shopping. bro 要買喇叭野, 好彩在御茶ノ水附近~ 買完就到我行 sb 店喇.
御茶ノ水成條街都擺晒雪人, 超過癮!!!!
鬼太郎呀~~~!!!!!
我只買左d accessories, 反而媽買左佢去年 preview 見到已經喜歡既 686 sb jacket. 型呀~~ 所以大部份時間反而係陪佢找 sb pants.
行左1日, 又要食餐好既........... 我唔記得, 反而爸記得食 sukiyaki 的店 - 木曾路. 咁... 又食 sukiyaki.
last day, check-out 後都差唔多走 lu. lunch 當然係機場的炸豬扒啦. 早已 online check-in, drop down 行李時, 個空姐話可能 upgrade 我1個去 business, 我這邊話好, 那邊已經後悔............ 剩下朋友b點算呢???
end up, 我的確 upgrade 左...... 好彩坐位係 3-4-3. 朋友b唔駛自己坐開. 我呢.............
有熱朱古力飲架.
就係咁...................... 又要 resume life............... 等下個 trip 去白馬啦.
