February 19, 2013
-
在一個滑雪板的 forum 看到一個 poll, 可以話係幾有代表性: 香港人鍾意去日本邊d 雪場. 等於指引我邊度好玩, 或者去邊度預周街都撞到香港人. (好似上年去 hakuba 都真係撞到班朋友仔.
)
講下我自己, 上列雪場, niseko, 藏王, 苗場,志賀, 白馬都去過了. 安比本來 2011 plan 去, 點知 311.......... 好彩 311 前嘅 1 月去藏王, 唔係實後悔死我......
我敢去日本, 但東北真係唔敢住, 唔知幾時先去到安比喇...... 好可惜, 因此安比係個好 family 嘅 resort, 俾我 hea 玩 enjoy 下浸下溫泉晒. 日本朋友仲話在安比附近買屋, 叫我去滑雪包買 lift pass.....唉............
如果要從上圖揀下個去嘅場, 我會揀赤倉或者野澤.
赤倉50% 綠色 run ,剩餘紅同黑, beginner/intermediate 嘅朋友b 應該玩得放心.
野澤溫泉幾大, 溫泉有保證, 每年仲有成個星期嘅野澤神道祭, 滑雪外我最鍾意參加d 祭, 有得食, 有得玩, 有野睇.
留壽都, 好少想去, 因為佢旁邊2個場比佢吸引好多, 1 個就係niseko, 1個係我年年唔去唔舒服嘅 kiroro...... 講雪質好, kiroro 係公認日本雪質最靚; 講大, 又唔夠 3山聯盟 niseko 大, 所以......或者一次去長d, 可以 留壽都搭 kiroro 或 niseko 掛.
最後石打丸山/ gala, 因為呢2個場到幾近東京, 要去, day trip 都得, 所以, 幾時去東京, 揪起條筋想去, 咪去囉. (btw, gala 仲同 jr 有 deal, 買 東京去 gala jr票+ gala 1 day pass 有 package, 抵玩!
)有無d 想再去? 有~~ 藏王啦, 上次去時間短, 天氣唔好, 玩得好少, 樹冰林都未玩... 不過唔知幾時先可以再去喇...
另, 苗場+越後湯澤 area, 苗場上次只玩了 2 天, 大大個 kagura 都未玩, d runs 似 kiroro 的, 所以一定會再去, 而且朋友 b 未去過呢~~
白馬 area, 唔係我杯茶, 去過, 試過就算喇..... 雖然八方尾根五龍館個溫泉係值10個正.....
接近季尾, 都係時候 plan 下下年嘅 schedule 喇.
