July 12, 2013
-
甲子園 07-2013
6月尾趁7.1 假期去左關西, 除左遊玩, 取 bmobile pair sim, 最重要係要去甲子園睇棒球比賽.
話說我係阪神 tigers fans.....
ticket 上網就買到, 門票用 qr code, 去box office 一 scan 就取到票. 我們一共睇2場, 1場 30/6/2013, 阪神 vs 廣島. 另一場更加必睇: 宿敵戰: 2/7/2013 阪神 vs 巨人!!
30/6 睇下午 2:00. 1:00 去到已經人山人海. 行到球場前必先行過攤檔. 有得食, 有得玩.
車站去場館唔使5分鐘.
第1場遲買飛, d位唔多靚, 在1壘外.不過都睇到. 係d位窄d. 坐得有d辛苦.
我睇得好肉緊, tigers 頭兩局就輸左2分, 激死我. lucky 7, 第7局中間, 放下風船沖喜下~!
話說第5局尾, 突然周圍d人係甘吹晒1支2支氣球, 當時我地唔知咩事....
置身當中, 好驚d波爆..........
然後到第7局, 突然場中d人走晒 ,成場觀眾企晒起身, 跟住.....
卒之, tigers 都係輸0:2.................
[我想: 死啦, 對廣島都輸 0:2, 甘對巨人咪.....]2/7 一場, ticket 在4月限時開售, 所以我可以一開售就 book. d 位梗係正好多啦. 近到可以見到吉祥物行出行入呀~~!
近d, 更加好 feel , 更加好睇.更重要係, d 凳又闊落, 又四正, 仲有椅背, 朋友b 坐得舒服到出去買野食都唔願.
天黑了..... 仍然好興奮~!!
阪神領先 2:0 下, 第7,8局俾巨人追番平手, 直到第9局. 後來追加3局, 在第11局俾巨人多1分....輸左....
打完11局差唔多11:00. 一知道結果我們即走. 上次散場返神戶, 排隊入車站都用左半個鐘, 去大阪條隊比去神戶仲長好多. 所以今次快閃, 驚搭唔到車 返梅田 (尾班車11:59) 就大件事.
返到梅田, 個心就定d.... 就算 touch wood 無車去新大阪, 坐的士都得丫.
今次之後, 好開心因為令朋友b 都學會睇棒球, 我們仲開始曉學 cheering 添~
佢仲話下次去東京, 可以再睇阪神作客挑巨人 @ tokyo dome~!!!!yeah~~!!!!!!
