May 21, 2011
-
今日上半場 - 去長洲食海鮮
爸的朋友 T 請我地一家入長洲食o野, 因為佢太太係長洲人,正式地頭蟲.
我地偷懶, 12:00就鼠去搭船. 細何生, 細何太就要收工先來.
佢地的確請我地食左餐堅o野...... 話說.....
我地在港外線碼頭meet up, 等船.
坐大船去長洲...... 好似前2集 "點解亞sir係亞sir" 咁......
就係坐呢隻船.
未齊人, 我地先去 T 太太外家坐下.
穿過大街小巷............... 好快就見到.
景觀唔錯, 門前仲有個 Croquet 場. 一定唔會再起樓, 唔擋景觀.
2:00, 去碼頭接細何生, 再去酒樓.
t太一早幫我們安排好吃的. 真係正到你唔信!!
白焯花竹蝦. 鮮嫩多汁, 蝦膏又香!
炒班塊, 蒸魚骨. 呢2味菜就令我送左成碗飯.
好物: 椒鹽鮮魷. 平時我唔食魷魚, 怕好似橡筋咁韌....... 不過呢碟我起碼食左3件..... 其他俾細何生食左. 佢起碼食左半碟. 唔油膩, 炸漿薄又脆. 最緊要魷魚一d都唔韌. 正~~!!!!
大大隻瀨尿蝦. 椒鹽炒, 剝開殼仲流緊汁!!! 細何太至愛.
大隻到呢......................
大大隻既仲有鮑魚仔...... 仲叫仔.....激死. 做乜屋企d鮑魚仔得四份一咁大架??!!
最後仲有啖啖肉生炒骨. d 肉從肉擋新鮮購入, 炸漿唔厚, 肉又嫩滑多汁........仲咁大碟..... 好後悔先前食左碗飯...........
我多口, 問邊度有大菜糕, 想買來做手信, 老闆聽到, 整左一大盤...................... 仲有馳名馬拉糕.............大盤到呢.....................用細何生隻手做比例.
幾堅~~!!!
馬拉糕鬆軟, 香黑糖咪. 大菜糕都好香, 但唔係好甜.
吃飽飽要行下先得................ 真係天黑黑......
行到北帝廟就落出大雨. 唯有返碼頭, 坐船走啦. 唔打搞朋友T 咁耐啦.
今次十分多謝朋友T一家既招待. 另我地食到長洲真正好味既胲鮮. 多謝晒~~~!!!!
